Ferramentas lingüisticas para office 2000.
MS Word® · MS Access® · MS Excel® · MS Powerpoint® · MS Outlook®

Office2000 incorpora as ferramentas lingüisticas para o Galego desenvolvidas por imaxin|software:

-Rapidez
-Suxestións ortográficas e tipográficas
-Diccionarios personalizados
-Detección de palabras repetidas
-Diferentes tipos de corrección textual
-Funcións estándar de corrección Office 2000
-Autocorrección
-Hifenizador
-Outras Características

Rapidez
O Corrector de Office 2000 de galego procesa máis de 46.000 palabras válidas por minuto nun computador Pentium II a 233Mhz.

Suxestións ortográficas e tipográficas
Como todo corrector presente no paquete Office ten módulos de suxestión que detecta erros ortográficos situándoos no contexto de frase e parágrafo ao que pertencen. Ademais, conta cun módulo que detecta erros tipográficos (abreviaturas que deberían ir rematadas en punto, acrónimos en maiúsculas, nomes propios ou topónimos a primeira letra en maiúsculas, etc.).

Diccionarios personalizados
O paquete Office 2000 conta coa posibilidade de poder engadir diccionarios personalizados que o corrector detectará como palabras correctas. Isto permite a corrección non só de textos con léxico persoal senón textos de carácter específico ou terminolóxico. Podemos crear na xanela de opcións do paquete Office (p.e., desde Word 2000) un diccionario personalizado, poderemos tamén modificar, eliminar, agregar ficheiros de texto como diccionario personalizado.

Detección de palabras repetidas
Frecuentemente existe un erro na redacción dos textos que consiste na repetición de palabras por parte do autor/a do mesmo. O corrector vai detectar este tipo de erros e vai contextualizalo na frase e no parágrafo onde se encontra para a corrección por parte do usuario/a.

Diferentes tipos de corrección textual
Podemos corrixir desde o comezo do documento, partes previamente seleccionadas co rato ou a partir da posición do cursor.

Funcións estándar de corrección Office 2000
O corrector de Office 2000 de galego implementa todas as funcións presentes en todas as ferramentas de corrección para este paquete. Estas funcións son as seguintes: Omitir, Omitir todos, Agregar, Cambiar, Cambiar todos, Autocorrección

Autocorrección
Mediante esta funcionalidade as aplicacións do paquete Office 2000 van corrixir automaticamente erros de caracter ortográfico ou léxico por procedementos estatísticos. Así por exemplo, os plurais rematados en -les (animales) van ser corrixidos directamente por -is toda vez activada a función de autocorrección.

Hifenizador
Frecuentemente é necesario guionizar os textos nos finais de cada liña. Era necesario que o galego tamén contase con esta ferramenta. Para activar esta aplicación teremos de ir ata Herramientas->Idioma->Guiones e executar. A continuación o Office 2000 preguntaranos se queremos a división automática de palabras, división por palabras maiúsculas o división manual de guións. Elixindo a división automática o hifenizador separará automaticamente as palabras en final de liña, se eliximos división manual iranos preguntando cal a división que queremos aplicar a unha determinada palabra.

Outras Características
· Revisar Ortografía mentres se escribe
· Activar/Desactivar que suxira sempre
· Omitir palabras en maiúsculas
· Omitir palabras con números
· Omitir arquivos e enderezos de Internet
· Detección de palabras repetidas
· Sistema de suxestión de plurais.
· Sistema de suxestión de dialectalismos.
· Sistema optimizado de aproximación de palabras e verbos.
· Suxestións sensibles ao contexto.
· Detección e suxestión de segunda forma do artigo.
· Sistema de corrección de máis dun erro con casuística.
· Módulo de suxestións especializadas para o galego.
· Interface de Office 2000.
· Máis de 700 abreviaturas e acrónimos.
· Máis de 1000 nomes e apelidos.
· Máis de 500 siglas e acrónimos.
· Máis de 1200 topónimos galegos, portugueses, españois, europeos, etc.