Diccionarios externos

O CORRECTOR GALGO NO WORD 2000

Debido a un problema na "plantilla" Normal.dot de Word 2000, e nalgunhas versións do Word 97, o corrector imaxin Galgo pode non quedar ben configurado. Para solucionalo teremos que seguir os pasos detallados a continuación.

 

Forma rápida.

  1. Eliminar a "plantilla" Normal.dot do word 2000 ou 97 (comprobe que non teña nada importante gardada na plantilla, como macros, xa que se eliminarán). Esta plantilla encóntrase normalmente na carpeta "c:\Archivos de programa\office\Plantillas".
  2. Unha vez eliminada, arrancar o word e automaticamente dito programa crea unha nova Normal.dot.
  3. A continuación executar o "Selector Galgo" para instalar de novo a barra de ferramentas.

Non podemos garantir que esta solución funcione en todos os equipamentos, mais si na maioría. No caso de non funcionar siga os pasos da versión longa.

 

Versión longa.

Este método copia as macros necesarias para o correcto funcionamento do imaxin Galgo na "plantilla" Normal.dot do word.

Primeiro paso, copiar as macros, que están na plantilla "Galgo97.dot" na plantilla "Normal.dot". Siga os pasos:
  1. Ir ó menú "Herramientas, Plantillas y Complementos ..." do word.
  2. Premer o botón "Organizador".
  3. Premer o botón "Cerrar Archivo" da xanela da esquerda. Agora premer ese mesmo botón que porá "Abrir archivo" e escoller a plantilla "Galgo97.dot" situada normalmente na carpeta "c:\Archivos de Programa\imaxin Galgo".
  4. Premer a ficha "Elementos del proyecto macro". ten que aparecer na lista da esquerda "MisMacros". Hai que seleccionar este elemento e premer "Copiar" de xeito que apareza tamén na lista da dereita.
  5. Unha vez feito pechamos a xanela.

Segundo paso, crear a Barra de Ferramentas. Siga os pasos:

  1. Ir ó menú "Ver, Barras de Herramientas, Personalizar..."
  2. Premer na ficha "Barras de Herramientas" e logo no botón "Nueva"
  3. Poñerlle o nome, p.e. "imaxin Galgo" e asegurarse que fique na plantilla "Normal.dot" e premer "Aceptar" e "Cerrar". Agora xa está creada a barra de ferramentas.

Terceiro paso, crear os botóns na barra de ferramentas e asignarlle as macros que chaman ó corrector e a axuda on-line:

  1. Ir ó menú "Ver, Barras de Herramientas, Personalizar..." do word.
  2. Escoller a ficha "Comandos".
  3. Aparecerán dúas listas. Na lista da esquerda hai que seleccionar o elemento Macros.
  4. Aparecerá na lista da dereita os elementos "Normal.MisMacros.ExecutarCorrector" e "Normal.MisMacros.ExecutarAxuda". Estes son as dúas macros que chaman ós referidos programas.
  5. Para crear os botóns simplemente temos que arrastrar ditos elementos a barra de ferramentas que creamos anteriormente. Asegúrese de que é visible a barra para poder arrastralos ata ela.
  6. Prema co rato nos elementos e arrástreos ata a barra. Automaticamente crearanse dous botóns cos nomes das macros. Se quere xa pode deixalos así ou porlles unha imaxe ou trocar o nome, se quere facelo realice o paso número 7.
  7. Seleccione o botón que quere trocar e prema "Modificar Selección", aquí pode escoller cambiar o nome e porlle unha imaxe dunha lista delas. Unha vez feito isto xa pode pechar as xanelas e arrancar a aplicación

imaxin galgo® un producto de imaxin para a Consellería de educación e ordenación universitaria.