A ferramenta máis agardada.

imaxin|software desenvolveu, co apoio da Xunta de Galicia, o corrector de galego do novo paquete de ofimática da multinacional Microsoft, o Office XP, que reúne algúns dos programas máis populares entre os usuarios: Microsoft Word, Excel, Power Point e Front Page.Trátase dun feito sen precedentes tanto por ser a primeira vez que o Office inclúe un corrector na nosa lingua como por ser Imaxin a primeira empresa galega certificada polo xigante informático.

21 millóns de palabras.

Máis de dous anos de traballo do equipo técnico e lingüístico de Imaxin ofrece como resultado este producto, que detecta máis de vinteún millóns de palabras válidas, realiza suxestións sensibles ó contexto, efectúa correccións ortográficas mentres o usuario escribe, visualiza a frase ou parágrafo onde detecta o erro e inclúe, dende logo, o sempre útil módulo de autocorrección.